Keppie-ontkroning

Die voltooide vorm sal per e-pos (soos deur jou verskaf) aan jou gestuur word, en is die enigste bewys as toegang tot die perseel. Jou temperatuur sal ook by die hek, daarop aangebring word.

VRYWARINGSVORM: 

Ek stem wetend en vrywillig in tot die deelname van die minderjarige hieronder genoem, aan die bywoning van die spesifieke aktiwiteit. Ek neem kennis dat dit onderhewig is aan nuutste uitgevaardigde COVID-regulasies soos van toepassing en wat streng toegepas sal word tydens alle aktiwiteite. Ek verstaan dat, die leerder 'n verhoogde risiko het om die virus op te doen deur bloot by die aktiwiteit teenwoordig te wees.

Ek bevestig dat die minderjarige nie in enige van die hoërisiko-kategorieë val nie EN indien wel, ek dit skriftelik aan die skool sal verklaar ALVORENS die minderjarige aan enige aktiwiteite mag deelneem. Ek sal weier dat die minderjarige aan die aktiwiteite deelneem, indien die minderjarige ‘n risiko vir die moontlike verspreiding van Covid-19 verantwoordelik kan wees.

Ek aanvaar alle risiko's en hiermee vrywaar ek die Afrikaanse Hoër Meisieskool Pretoria en die personeel, van enige blaam indien die minderjarige die virus tydens die beoefening van aktiwiteite by die skool opdoen. Ek het die bepalings van hierdie vrywaring gelees en ek verstaan die uiteensetting daarvan en bevestig dat ek daaraan sal voldoen en dienooreenkomstig sal voorberei en voorkomend optree. 

Ek bevestig ook dat ek daarvan bewus is dat GEEN TOESKOUERS tydens die beoogde aktiwiteite toegelaat sal word nie.